Lurralde Garapenerako Laborategiak
Gipuzkoa Taldean
Lurralde Garapenerako Laborategiak (LGLab) ikerketa eta ekintza biltzen dituzten proiektuak dira. Proiektu hauen helburua gobernantzarako eskualde mailako egitura berriak eraikitzea da, eskualde mailan garapena sustatzeko. LGLab bakoitzak berrikuntzan oinarritutako ekimenak bultzatzen ditu hainbat gaien inguruan, hala nola, administrazioaren eta herritarren arteko harreman modu berritzaileak, lurralde mailako gobernantza eta hori lankidetza publiko-pribatuaren bidez eskualdean zabaltzea sustatzen duten ekimenak, komunikazio eta eztabaida publiko soziala, herritarren partaidetza, politikak zehazteko lankidetza, proiektu estrategikoak garatzeko esku-hartze motak eta gatazkak konpontzeko eredu berriak.
Hausnarketarako eta koordinaziorako guneak
Elkarlanean oinarritutako gobernantza
Ikerketa eta ekintza biltzen dituzten proiektuak
Nola garatzen dira Lurralde Garapenerako Laborategiak?
Zer lortu da edo zer lortu nahi da?
Helburua da LGLab-en bidez maila anitzeko gobernantza eredu bat sortzea. Sortutako sareak edo foroak izango lirateke lurraldeko egituren nodoak.
Nork hartzen du parte?
-
Gipuzkoako Foru Aldundia
-
Eskualdeko Garapen Agentziak
-
Sektore pribatuko erakundeak
-
Gizarte zibileko elkarteak
-
Unibertsitateak
-
Aholkularitza-enpresak
Ondoren, proiektuen adibide batzuk:
Gobernantza Urola Kostan
Deialdia: 2020
Egoera: Amaituta
Parte-hartzaileak: Urola Kostako Udal Elkartea, Urola Kostako Udal Elkartea – Ukue
Proiektu honen helburua da Urola Kostako eskualdeko gobernantza-egituraren berregokitzapena eta garapena erraztea, maila anitzeko eta eskualdeko gobernantzaren atzeraelikadura edo feedback-a sustatzeko eta, horrela, elkarrekintza eta elkar trukatzea sustatzeko. Antolaketak hainbat ekintza behar ditu; horien artean, proiektuaren plangintza eta kontrola nabarmentzen dira, baita eskualde mailako sareen berrabiatzea eta hibridazioa ere. Hori guztia, planifikatutako ekintzak gauzatuz eta jakinaraziz amaitzen da.
Ekimen pilotu honek eskualdean izan dezakeen arrakasta, geroago, goragoko beste maila batzuetara estrapolatu daiteke, sareko lana eta gure lurraldearen garapen sozioekonomikoa sustatzeko.
Gehiago jakin
GO-KOOP. Goierrirako gobernantza kooperatiborako proposamena
Deialdia: 2020
Egoera: Amaituta
Parte-hartzaileak: : Agirre Lehendakari Center eta Julen Mendoza
Proiektu hau gobernantza kooperatiborako proposamena da. Ariketa praktikoa da, esperimentala, bertatik jasotako ezagutzatik gero beste toki batzuetan aplikagarria izan daitekeena. Proiektuak lantzen dituen esparruak hiru dira: gobernantza publiko kooperatiborako eredu berria esperimentatu eta praktikan jartzea, immigrazioaren erronkari heltzea eta euskara bultzatu eta zabaltzeko balio izatea.
Proiektuak zuzenean erantzuten die lankidetzazko gobernantzari, klima larrialdiari, komunitatearen eraketa eta zaintzari, aro digitalaren ondorioei eta migrazioari. Zeharka, euskara eta genero ikuspegiaren alorrean ekarpenak egiten ditu ere.
Gehiago jakin
Debagoieneko Gobernantza Egitura
Deialdia: 2019
Egoera: Amaituta
Parte-hartzaileak: Debegesa (Debabarreneko Garapen Ekonomikorako Elkartea)
Proiektu honen helburua «Debagoieneko Lurralde Garapena»’ri lotutako «gobernantza» eredua hobetzea eta zenbait arloetan osatzea da. Gobernantza egitura berriarekin partaidetzan eta konfiantzan oinarritutako lan egiteko moduak sustatu nahi dira. Testuinguru positibo bat eraiki nahi da, non eragile publiko zein pribatuek, estrategiak partekatuz, lurralde garapenaren aldeko ekimenak gidatuko dituzten.
Gehiago jakin
Oarsoaldea Lurralde Garapeneko Laborategia (LGLAB)
Deialdia: 2020
Gaia: Lankidetzazko Gobernantza
Egoera: Amaituta
Parte-hartzaileak: Oarsoaldea Garapen Agentzia
Proiektu honen helburua eskualdean gobernantza-egitura abian jartzea eta ezartzea da, Gipuzkoan dauden beste gobernantza-ereduekin lotuz. Laborategi honetan garatzen diren ekimenen funtzionamendurako, Séxtuple Hélice deituriko ereduarekin lan egiten da. Eredu honetan, lurraldeko hainbat eta hainbat eragilek parte hartzen dute (administrazio publikoak, sektore pribatuko enpresak, gizarte zibileko erakundeak, unibertsitateak, garapen-agentziak eta herritarrak).
Gehiago jakin: Oarsoaldea
Gehiago jakin